សម្រាប់ឆមាសទី២ ឆ្នាំ២០២៥ អនុវិស័យនេះនឹងនៅតែបន្តកើនឡើងជាមួយឱកាសការងារជាង ១,១ពាន់កន្លែង។ ខណៈពេលដែលកង្វះខាតជំនាញកំពុងមានភាពប្រសើរឡើង គម្លាតជំនាញនៅតែជាបញ្ហាប្រឈម ដែលបង្ហាញពីភាពមិនស៊ីគ្នារវាងតម្រូវការការងារ និងសមត្ថភាពជំនាញរបស់កម្មករ និយោជិត។ ការបណ្តុះបណ្តាល និងការបង្កើនជំនាញនៅកន្លែងធ្វើការមានសារៈសំខាន់ ដើម្បីលើកកម្ពស់គុណភាពសេវាកម្ម និងផលិតភាព។

អនុវិស័យនេះបានបង្ហាញពីកំណើនវិជ្ជមាន ទាំងលើចំនួនក្រុមហ៊ុន និងតម្រូវការការងារ។ ការណ៍នេះ ស្របគ្នានឹងការយកចិត្តទុកដាក់របស់រាជរដ្ឋាភិបាល ដែលបានផ្តោតលើការអភិវឌ្ឍធនធានមនុស្ស និងបណ្តុះបណ្តាលវិជ្ជាជីវៈ ដើម្បីដោះស្រាយបញ្ហាកង្វះជំនាញក្នុងវិស័យដទៃទៀត។ បញ្ហាកង្វះជំនាញ និងកម្លាំងជំនាញក្នុងវិស័យអប់រំមានភាពប្រសើរ ប៉ុន្តែការផ្តល់ឱកាសការងារដល់អ្នកស្វែងរកការងារដំបូងនៅមានកម្រិតទាប ដែលអាចឆ្លុះបញ្ចាំងពីតម្រូវការជំនាញ និងបទពិសោធន៍ច្រើនជាងមុន។

សម្រាប់ឆមាសទី២ ឆ្នាំ២០២៥នេះ ចំនួនក្រុមហ៊ុនដែលជ្រើសរើសបុគ្គលិក និងចំនួនឱកាសការងារមានកាន់តែតិច ធ្វើឱ្យទីផ្សារការងារហាក់ដូចជាតឹងតែង ប៉ុន្តែមុខតំណែងនីមួយៗកាន់តែពិបាកក្នុងការបំពេញ ជាពិសេសជំនាញឯកទេស។ កង្វះជំនាញ និងការលំបាកក្នុងការជ្រើសរើសបុគ្គលិកដែលកំពុងកើនឡើង ដែលនេះបញ្ជាក់ពីភាពចាំបាច់ក្នុងការវិនិយោគប្រកបដោយនិរន្តរភាពលើការបណ្តុះបណ្តាលលើវិស័យហិរញ្ញវត្ថុ និងអ្នកជំនាញជំនាញ។ លើសពីនេះ ការផ្លាស់ប្តូរទៅកាន់សេដ្ឋកិច្ចឌីជីថល (Digital Transformation) និងបច្ចេកវិទ្យាហិរញ្ញវត្ថុ (FinTech) កំពុងបង្កើតតម្រូវការខ្ពស់សម្រាប់អ្នកមានជំនាញថ្មីៗ ដូចជា ការវិភាគទិន្នន័យ ជាដើម។

អនុវិស័យនេះកំពុងមានតម្រូវការកម្លាំងពលកម្មច្រើនជាងមុន។ ទោះបីជាមានកំណើនយ៉ាងឆាប់រហ័សនៃតម្រូវការកម្លាំងពលកម្មក៏ដោយ កង្វះខាត និងកម្រិតជំនាញកំពុងធ្លាក់ចុះ ដែលបង្ហាញថាការរៀបចំផែនការកម្លាំងពលកម្ម ការវិនិយោគលើការអប់រំ និងកិច្ចខិតខំប្រឹងប្រែងរុករកបុគ្គលិកកំពុងចាប់ផ្តើមទទួលបានផល។

ចំនួនក្រុមហ៊ុន និងតម្រូវការការងារក្នុងអនុវិស័យនេះកំពុងមានការកើនឡើងគួរឱ្យកត់សម្គាល់។ ប៉ុន្តែ អនុវិស័យនេះកំពុងប្រឈមនឹងការលំបាកក្នុងការជ្រើសរើសបុគ្គលិក ហើយបញ្ហាខ្វះជំនាញ ធ្វើឱ្យមានផលប៉ះពាល់ដល់ដំណើរការផលិតកម្ម។ ការវិនិយោគលើការបណ្តុះបណ្តាល និងការបង្កើនជំនាញនៅកន្លែងធ្វើការមានសារៈសំខាន់ណាស់ ដើម្បីលើកកម្ពស់ផលិតភាព និងការរក្សាបាននូវភាពប្រកួតប្រជែងនៅក្នុងទីផ្សារការងារដែលកំពុងមានការប្រែប្រួលយ៉ាងឆាប់រហ័ស។

អនុវិស័យដឹកជញ្ជូន និងស្តុកទំនិញ: ជាមួយនឹងកំណើនខ្លាំងនៃវិស័យឧស្សាហកម្មនាំចេញ អនុវិស័យនេះបង្ហាញពីកំណើនវិជ្ជមានទាំងលើចំនួនក្រុមហ៊ុន និងចំនួនប្រកាសជ្រើសរើសកម្លាំងពលកម្ម។ បន្ថែមពីនេះ ការលំបាកក្នុងការជ្រើសរើសបុគ្គលិក និងបញ្ហាខ្វះជំនាញមានការប្រសើរឡើង ខណៈដែលចំនួនក្រុមហ៊ុនដែលផ្តល់ឱកាសការងារដល់អ្នកស្វែងរកការងារដំបូងបានថយចុះបន្តិច។

អនុវិស័យនេះបានបន្តងើបឡើងវិញក្រោយការរាតត្បាតជំងឺកូវីដ-១៩ និងកាន់តែមានភាពប្រសើរឡើងជាបន្តបន្ទាប់ បើទោះបីជាមិនមានសន្ទុះខ្លាំងក្លាក៏ដោយ។ ក្រុមហ៊ុនកាន់តែច្រើនកំពុងប្រកាសជ្រើសរើសបុគ្គលិក ខណៈការជ្រើសរើសបុគ្គលិកជំនាញ ដូចជាវិស្វករ និងអ្នកបច្ចេកទេស ហាក់នៅតែជាបញ្ហាប្រឈម។ ការណ៍នេះក៏បានបង្ហាញពីឱកាសសម្រាប់អ្នកដែលកំពុងរកការងារ ដែលមានជំនាញស្របទៅនឹងតម្រូវការធ្វើក្នុងអនុវិស័យនេះផងដែរ។

អនុវិស័យនេះបានដើរតួយ៉ាងសំខាន់ក្នុងការផ្តល់ឱកាសការងារដល់ប្រជាជនមួយភាគធំ និងបានគាំទ្រដល់ការនាំចេញ និងសេដ្ឋកិច្ចរបស់កម្ពុជាផងដែរ។ យ៉ាងណាមិញ បញ្ហាប្រឈមមួយចំនួនរួមមាន កង្វះជំនាញកំពុងកើនឡើង តំណែងពិបាកបំពេញ និងគម្លាតជំនាញកាន់តែធំ ដែលប៉ះពាល់ដល់ភាពប្រកួតប្រជែងនៃការនាំចេញ។ បើគ្មានអន្តរាគមន៍បន្ទាន់ក្នុងការបណ្តុះបណ្តាល ការរក្សាបុគ្គលិក និងផលិតភាពនៃកម្លាំងពលកម្មទេ សម្ពាធលើកម្លាំងពលកម្មនេះអាចប៉ះពាល់ដល់លទ្ធភាពរបស់អនុវិស័យក្នុងការរក្សាកំណើនរបស់ខ្លួន។

អនុវិស័យនេះបានបង្ហាញពីការកើនឡើងនៃចំនួនតម្រូវការកម្លាំងពលកម្មបន្ថែម ដែលមានជំនាញគ្រប់គ្រាន់ បើទោះបីជាបញ្ហាជំនាញនៅតែបន្តមាន។ ការណ៍ដែលក្រុមហ៊ុនផ្តល់ឱកាសដល់អ្នកស្វែងរកការងារដំបូងមានចំនួនតិច សបញ្ជាក់ឱ្យឃើញថាវិស័យនេះកាន់តែទាមទារជំនាញបច្ចេកទេសជាក់លាក់ដើម្បីបំពេញការងារទៅតាមតម្រូវការរបស់ក្រុមហ៊ុន។ កត្តាទាំងនេះបង្ហាញថា អនុវិស័យនេះកំពុងផ្លាស់ប្តូរទៅកាន់ផលិតកម្មដែលមានតម្លៃបន្ថែមខ្ពស់ជាងមុន។

អនុវិស័យនេះកំពុងស្ថិតក្នុងដំណាក់កាលនៃកំណើន និងតម្រូវការខ្ពស់ ជាមួយនឹងការស្រូបយកកម្លាំងពលកម្មមួយចំនួនធំ ប៉ុន្តែការជ្រើសរើសបុគ្គលិកកាន់តែប្រមូលផ្តុំនៅក្នុងក្រុមហ៊ុនខ្នាតធំ។ ការជ្រើសរើសបុគ្គលិកមានភាពងាយស្រួលជាងមុន ហើយជំនាញរបស់កម្មករនិយោជិត គឺសមស្របតាមតម្រូវការការងារជាងមុន។ ការណ៍នេះធ្វើឱ្យអនុវិស័យផលិតអាហារ និងភេសជ្ជៈ ក្លាយជាទីផ្សារការងារមួយដែលមានភាពបត់បែន និងសក្តានុពលក្នុងឆ្នាំ ២០២៥ នេះ។

អនុវិស័យនេះ គឺជាផ្នែកមួយដ៏សំខាន់នៃយុទ្ធសាស្ត្រពិពិធកម្មឧស្សាហកម្មរបស់កម្ពុជា ដែលកំពុងបង្ហាញពីកំណើនជាវិជ្ជមាន និងប្រកបដោយស្ថិរភាព។ បន្ថែមពីនេះ បញ្ហាគម្លាតជំនាញ និងកង្វះជំនាញ ក៏មានកម្រិតទាប។ ការជ្រើសរើសបុគ្គលិកមានប្រសិទ្ធភាពជាងមុន ដោយនិយោជកជួបការលំបាកតិចតួចក្នុងការស្វែងរកបុគ្គលិក។ ការណ៍នេះធ្វើឱ្យអនុវិស័យនេះមានស្ថិរភាព ជាមួយនឹងកម្លាំងពលកម្មដែលមានភាពចាស់ទុំ និងមានហានិភ័យទាបពាក់ព័ន្ធនឹងបញ្ហាកង្វះកម្លាំងពលកម្ម បើប្រៀបធៀបទៅនឹងអនុវិស័យដែលរងសម្ពាធខ្ពស់ដូចជា GFT ឬ ICT។

អនុវិស័យនេះកំពុងប្រឈមនឹងភាពតានតឹងផ្នែករចនាសម្ព័ន្ធ ដោយការងារជាមធ្យមធ្លាក់ចុះ ហើយការជ្រើសរើសបុគ្គលិកកាន់តែប្រមូលផ្តុំ។ ទោះជាយ៉ាងណាក៏ដោយ ការពិបាកក្នុងការជ្រើសរើសបុគ្គលិកនៅតែជាបញ្ហាប្រឈម។ ខណៈដែលកម្មករមកដល់កំពុងអភិវឌ្ឍសមត្ថភាពរបស់ខ្លួន ការផ្គត់ផ្គង់កម្លាំងពលកម្មពីខាងក្រៅមិនអាចបំពេញតាមតម្រូវការជាក់ស្តែង ដែលបង្កជាបញ្ហាប្រឈមសម្រាប់ផលិតភាពនាពេលអនាគត។ អនុវិស័យនេះត្រូវការការអភិវឌ្ឍជំនាញ ជាពិសេសសម្រាប់មុខតំណែងកែច្នៃឈើឧស្សាហកម្ម និងមុខតំណែងដែលពាក់ព័ន្ធផ្សេងទៀត។

អនុវិស័យនេះកំពុងមានការរីកចម្រើន ប៉ុន្តែមានបញ្ហាពាក់ព័ន្ធ កង្វះជំនាញ។ ក្រុមហ៊ុនមួយចំនួនកំពុងជ្រើសរើសបុគ្គលិកយ៉ាងសកម្ម ប៉ុន្តែទាមទារនូវគុណវុឌ្ឍិខ្ពស់ជាងមុន។ ហេតុដូច្នេះ វាគឺជាតម្រូវការបន្ទាន់ក្នុងការគាំទ្រដល់ការបណ្តុះបណ្តាលជំនាញសម្រាប់វិស័យឧស្សាហកម្ម យន្តការផ្គូផ្គងការងារ និងការផ្តល់សេវាការងារសាធារណៈ។ ទោះបីជាមានបញ្ហាប្រឈមទាំងនេះក៏ដោយ ផលិតភាពការងារមានភាពប្រសើរជាងមុន ដែលជាមូលដ្ឋានគ្រឹះវិជ្ជមានសម្រាប់ការធ្វើពិពិធកម្មសេដ្ឋកិច្ច និងទីផ្សារការងារនៅកម្ពុជា។